محمد المبارك
07-08-2002, 11:14 AM
الواسطة هي غصة في فم كل مواطن ماعدا الطبقه الراقيه التي وجدت الواسطه لدعم اعمالهم ........ موقف حصل لي يثبت ان الواسطه تبتدي من اصغر موظف وتنتهي الى اصحاب المناصب العليا ..... المهم اردت ان احصل على رخصه نقل ثقيل عمومي مثقله المهم طلب مني ان ابصم واخذ فيش وتشبيه وقالوا لي انها تسوف تاخذ اسبوعين الا اذا تابعتها بنفسي سوف تاخذ يومين الى ثلاثه ايام ؟؟؟؟؟ المهم شديت الرحال الى عاصمتنا الحبيبه والى وزارة الداخليه... فاستقبلني موظف الاستقبال وقال لي بالحرف الواحد وش عندك قلت بصمات باخذها من هنا قالي من طرف مين جاي قلت من مرور الجبيل قال احد مرسلك لشخص معين هنا قات لا؟؟؟؟؟؟؟ قالي اجل انتظر هنا .... دريت ان الموضوع مطول واني يمكن امضي اسبوع في الرياض على هالحاله ؟؟؟؟ في تلك البنايه الرائعة البنيان ماتشوف الا رتب داخله ورتب طالعه ولا احد معبرك اذا منت مزبط وضعك.... ومن الساعه ثمان الى الساعه احد عشر ظهرا ..... والكل مشغول وماحد راضي يسمع منك شيء ؟؟!!!! المهم بعد هالجلسه الممله دخل رجل كبير في العمر شوي من الشيب اللي في راسه والرتبه والله ماعرفها بس انه هامور صح ..... الله ارسله لي -ياما انت كريم يارب- قال للاستقبال وش موضوع هذا الشخص ... كان افز واقول له الموضوع كله واني جاي من ديرة بعيده ومتعني وقبل لا اكمل موضوع قال للرقيب حق الاستقبال ارسله للنقيب فلان وخله يخلص موضوعه حالا.......... والله بغيت انقز واحب راسه من الفرحه بعد الياس اللي جاني بسبة موظف الاستقبال .... الزبده اني اكتشفت امر هام وهو ان الناس اللي فوق بالحيل طيبين ومتعاونين معانا ..... الموت والبلاء من الناس اللي تحتهم هم اهل العوائق واللي يخلقون الواسطات لمصالحهم الخاصه .......... بس المصيبه كيف تصل للي فوق من دون ماتمر على اللي تحتهم ...... يعني لو كانت الابواب مفتوحه لاماتت الواسطه في المهد ......... قد يختلف معي كثير وقد يوافقني القليل ولكنه موقف حصل لي ورايت بام عيني ان اهل المناصب العليا لا يعرفون مايفعله صغار موظفيهم ......